శరీరంలో వేడిని తగ్గించేందుకు తప్పక తాగాల్సిన పానీయాలు!
ఎండల కాలంలో శరీరంలో వేడి పెరిగిపోయి డీహైడ్రేషన్, వడదెబ్బ లాంటి సమస్యలు ఆరోగ్యాన్ని కుదిపేస్తుంటాయి. ఇలాంటి పరిస్థితులలో శరీరానికి చల్లదనాన్ని అందించే ఆహారం, పానీయాలు తీసుకోవడం చాలా ముఖ్యం. వేడిని తట్టుకోలేక చాలామంది థంబ్స్ అప్, స్ప్రైట్ లాంటి శీతల పానీయాలు తాగేస్తుంటారు. అవి తాత్కాలికంగా ఉపశమనం కలిగిస్తాయేమో గానీ, ఆరోగ్యానికి మేలు చేయవు. అయితే.. అధిక వేడిలో ఆరోగ్యానికి సహజంగా లభించే పానీయాలు ఎంతో మేలు చేస్తాయి. మరి ఈ మండు వేసవిలో ఆరోగ్యాన్ని కాపాడే నేచురల్ డ్రింక్స్ ఏమున్నాయో చూద్దాం! నిమ్మరసం (లెమన్ వాటర్) అత్యంత సులభంగా తయారు చేసుకోగలిగే పానీయాలలో ఇది ఒకటి. ఒక గ్లాసు చల్లని నీటిలో నిమ్మకాయ పిండి, కొద్దిగా తేనె లేదా ఉప్పు కలిపి తాగితే శరీరం హైడ్రేటెడ్గా ఉంటుంది. విటమిన్ సి సమృద్ధిగా ఉండే నిమ్మరసం శరీరంలో రోగనిరోధక శక్తిని కూడా పెంచుతుంది. కొబ్బరి నీళ్లు కొబ్బరి నీరు ప్రకృతి మనకు ప్రసాదించిన ఉత్తమ హైడ్రేషన్ డ్రింక్. ఇందులో ఎలక్ట్రోలైట్స్ ఉండటం వల్ల వేసవిలో చెమటతో కోల్పోయిన శక్తిని తిరిగి పొందడానికి సహాయపడుతుంది. రోజూ ఒక తాజా కొబ్బరి నీరు తాగడం వల్ల ఒంట్లో వేడి తొలగిపోయి చల్లగా ఉంటుంది. మజ్జిగ (బటర్ మిల్క్) వేసవిలో మజ్జిగ తాగడం అనేది అత్యుత్తమ ఎంపిక. ఇంట్లోనే సులభంగా పెరుగును నీటితో కలిపి, కొద్దిగా ఉప్పు, జీలకర్ర పొడి, కొత్తిమీర వేసి తయారు చేసుకోవచ్చు. ఇది జీర్ణక్రియను పెంపొందించడమే కాకుండా శరీర ఉష్ణోగ్రతను తగ్గిస్తుంది. పుచ్చకాయ జ్యూస్(వాటర్ మిలన్) పుచ్చకాయలో 90% నీరు ఉంటుంది. ఇది వేసవిలో డీహైడ్రేషన్ ని నివారిస్తుంది. పుచ్చకాయ ముక్కలను బ్లెండర్లో వేసి జ్యూస్ తయారు చేసి తాగవచ్చు. రుచి కోసం కొద్దిగా పుదీనా ఆకులు జోడించినా మంచిదే. ఒకవేళ జ్యూస్ లాగా కాకపోయినా ఆహారంగా తీసుకున్నా ఆరోగ్యానికి మేలు చేస్తుంది. సబ్జా నీరు (బాసిల్ సీడ్స్ డ్రింక్) సబ్జా గింజలను నీటిలో నానబెట్టి, వాటిని నిమ్మరసం లేదా రోజ్ సిరప్తో కలిపి తాగితే శరీరానికి త్వరగా చల్లదనం లభిస్తుంది. వీటిలో ఫైబర్ సమృద్ధిగా ఉంటుంది. కాబట్టి జీర్ణక్రియకు కూడా సహాయపడతాయి. ఎన్ని పానీయాలు తీసుకున్నా వేసవిలో నీరు ఎక్కువ తాగడం మాత్రం మర్చిపోవద్దు. రోజుకు కనీసం 2-4 లీటర్ల నీరు తాగడం వల్ల శరీరం ఆరోగ్యంగా మరియు చురుకుగా ఉంటుంది. ఇప్పుడు చెప్పిన పానీయాలలో నిమ్మరసం, మజ్జిగ, పుచ్చకాయ జ్యూస్, సబ్జా నీరు అయితే ఇంట్లోనే తేలికగా చేసుకోవచ్చు. మరి ఈ మండు వేసవిలో అధిక వేడిని సహజ సిద్ధమైన పానీయాలతో తరిమికొట్టండి! సంతోషంగా వేసవిని ఆస్వాదించండి! మరి ఈ వేసవిలో ఆరోగ్య సంరక్షణకు సంబంధించి మా సైట్ లో ఇటీవల పోస్ట్ చేసిన చాలా బ్లాగ్స్ ఉన్నాయి.. గమనించగలరు. ఇక ఈ వేసవిలో ఆరోగ్య సంరక్షణకు సంబంధించి ఎలాంటి సందేహాలున్నా.. 9851247365 నెంబర్ కి కాల్ చేసి మా మెడ్ యునైటెడ్ వైద్య నిపుణులను సంప్రదించవచ్చు.
వేసవి ఎండల్లో పిల్లల ఆరోగ్య సంరక్షణ ఎలా? ఎలాంటి జాగ్రత్తలు తీసుకోవాలి?
వేసవి కాలం వచ్చిందంటే మండుటెండలు తెగ ఇబ్బంది పెడుతుంటాయి. సరైన జాగ్రత్తలు తీసుకోకపోతే పిల్లల ఆరోగ్యంపై ప్రతికూల ప్రభావం చూపిస్తుంటాయి. సాధారణంగా వేసవి ఎండలను పెద్దలు తట్టుకోవడమే కష్టం. అలాంటిది ఆటలు ఆడుకుంటూ, అల్లరి చేసే పిల్లలు నీడలో తప్ప ఎండలో అసలు తట్టుకోలేరు. ఫలితంగా డీహైడ్రేషన్, వడదెబ్బతో పాటు చర్మ సమస్యలు కూడా వస్తుంటాయి. అందుకే పిల్లల ఆరోగ్యం విషయంలో తల్లిదండ్రులు తప్పక శ్రద్ధ తీసుకోవాల్సి ఉంటుంది. మనం ఇప్పుడు ఎండాకాలం పిల్లల ఆరోగ్య సంరక్షణ ఎలా అనేది చూద్దాం! డీహైడ్రేషన్ నివారించడం: వేసవిలో పిల్లలు ఎక్కువగా ఆటలాడుతూ ఉంటారు. దీంతో చెమట పట్టడం వల్ల వారి శరీరంలో నీటి స్థాయి తగ్గిపోతుంది. అయితే, డీహైడ్రేషన్ ని నివారించాలంటే.. వేడి నుండి రక్షణ: మధ్యాహ్న సమయంలో ఎండ వేడి ప్రభావం తీవ్రంగా ఉంటుంది. ఆ సమయంలో బయటికి వెళ్తే.. పిల్లల చర్మం, కళ్లు త్వరగా దెబ్బతింటాయి. కాబట్టి.. దుస్తుల ఎంపిక: వేసవిలో తక్కువ వేడిని కలిగించే దుస్తులు పిల్లలకు సౌకర్యాన్ని ఇస్తాయి. కాబట్టి దుస్తుల విషయంలో ఎంపిక తప్పనిసరి. ఎలాంటి ఆహారం అందించాలి: వేసవిలో పిల్లల శరీరానికి పోషకాలతో కూడిన శరీరంలో వేడిని తగ్గించే (చలువ చేసే) ఆహారాన్ని అందించాలి. ఇంటి వాతావరణాన్ని చల్లగా ఉంచాలి: పిల్లలు ఎక్కువ సమయం ఇంట్లో గడుపుతారు కాబట్టి.. ఇంటి వాతావరణం సౌకర్యవంతంగా ఉంచాలి. ఆరోగ్య సమస్యలను గుర్తించాలి: మండుటెండల్లో పిల్లలకు కొన్ని ఆరోగ్య సమస్యలు త్వరగా వస్తాయి. వీటిని గుర్తించి వెంటనే చర్యలు తీసుకోండి. ఆటలు, పనులలో జాగ్రత్తగా చూసుకోవాలి: పిల్లలు ఆడుకోవడం సహజం, కానీ వేసవిలో దీన్ని కాస్త నియంత్రించాలి. లేదంటే ఎండ ప్రభావం ఎక్కువగా ఉంటుంది. వేసవి కాలంలో మండుటెండల నుండి పిల్లలను కాపాడుకోవడం చాలా ముఖ్యం. డీహైడ్రేషన్ కి గురవ్వకుండా.. తేలికపాటి దుస్తులు వేసి.. ఇంట్లోనే ఎక్కువ సమయాన్ని గడిపేలా చూడాలి. ఉదయం, సాయంత్రం వేళల్లో బయట ఆటలకు ప్రోత్సహించాలి. కాకపోతే, పిల్లలు ఏ పని చేస్తున్నా.. ఎప్పటికప్పుడు గమనిస్తూ, వారి ఆరోగ్య రక్షణ చూసుకోవాలి. ఇలా కొన్ని జాగ్రత్తలు పాటిస్తూ, డాక్టర్ సలహాలు తీసుకుంటే పిల్లలతో పాటు ఫ్యామిలీ అంతా వేసవిని సంతోషంగా ఎంజాయ్ చేయవచ్చు. మరి ఈ వేసవిలో మీ ఆరోగ్యానికి, పిల్లల ఆరోగ్యానికి ఎలాంటి సమస్య ఏర్పడినా.. 9851247365 నెంబర్ కి కాల్ చేసి మా మెడ్ యునైటెడ్ వైద్య నిపుణుల సలహాలు పొందవచ్చు!
ప్రపంచ ఆరోగ్య దినోత్సవం.. కొత్త లక్ష్యంతో జీవితాన్ని ఆరంభిద్దాం!
ఒకప్పుడు జీవితం అంటే ఎన్నో అంశాలను ప్రస్తావించి చెబుతుండేవారు. జీవితమంటే.. బంధాలు బాంధవ్యాలు, మనుషులు, స్నేహం, డబ్బు, సంతోషం, ఉద్యోగం.. ఇలా ఎన్నో చెప్పేవారు. కానీ, కొన్నాళ్ళుగా ఆరోగ్యానికి సంబంధించి నిర్వచనాలు మారుతూ వచ్చాయి. ఇప్పుడున్న ఆధునిక జీవన విధానాల మధ్య, వేగంగా సాగిపోతున్న కాలాన్ని దృష్టిలో పెట్టుకుని చెప్పుకుంటే.. ఎలాంటి సమస్యకైనా పరిష్కారం వెంటనే లభిస్తుందేమో గానీ, ఆరోగ్యానికి సంబంధించి సమస్యలు వస్తే మాత్రం ఎవరూ ఏమి చేయలేరు. ఇప్పుడు అన్నిటికంటే ముఖ్యం ఆరోగ్యం మాత్రమే. వస్తువు పాడైతే.. బాగు చేయించుకునే అవకాశం ఉంటుంది లేదా కొత్త వస్తువు కొనుక్కునే అవకాశం ఉంది. కానీ.. ఒకసారి ఆరోగ్యం పాడైందంటే మాత్రం ఎన్ని చేసినా, ఎంత ఖర్చు పెట్టినా పోయిన ఆరోగ్య పరిస్థితి మాత్రం తిరిగి పొందలేము. అందుకే ఆరోగ్యమే భాగ్యం అన్నారు పెద్దలు. ఆరోగ్యం గురించి ప్రస్తావిస్తూ.. ఆరోగ్యం లేకపోతే జీవితంలో ఎంత సంపద ఉన్నా, ఎన్ని సౌకర్యాలు ఉన్నా ఆనందం ఉండదు. ప్రతి సంవత్సరం ఏప్రిల్ 7వ తేదీన ప్రపంచ వ్యాప్తంగా ఆరోగ్య దినోత్సవాన్ని జరుపుతుంటారు. 1948లో ప్రపంచ ఆరోగ్య సంస్థ(వరల్డ్ హెల్త్ ఆర్గనైజేషన్ – WHO) స్థాపించిన రోజు. కావున ఏప్రిల్ 7న ప్రపంచ ఆరోగ్య దినోత్సవం జరుపుతారు. ఆరోగ్యం అంటే.. కేవలం శారీరకంగా మాత్రమే కాదు.. మానసిక శాంతి, సామాజిక సంబంధాలు కూడా ఇందులో భాగంగానే ఉంటాయి. ప్రపంచ ఆరోగ్య దినోత్సవం యొక్క ఉద్దేశం ఏంటంటే.. ప్రపంచవ్యాప్తంగా ఆరోగ్యం గురించి అవగాహన కల్పించడం మరియు ఆరోగ్య సమస్యలపై చర్చించడం. ప్రతి ఏడాది లాగే ఈ ఏడాది కూడా WHO ఒక థీమ్ ‘ఆనందకరమైన భవిష్యత్ కోసం ఆరోగ్యకరమైన ప్రణాళిక వేయడం’ ప్రకటించింది. ఈరోజుల్లో ఆరోగ్యాన్ని కాపాడుకోవడం ఎలా? మన రోజువారీ జీవితంలో కొన్ని సులభమైన అలవాట్లు మన ఆరోగ్యాన్ని ఎంతో మెరుగుపరుస్తాయి. వాటిలో ముఖ్యమైన అంశాలేంటో ఇప్పుడు చూద్దాం! సమతుల్య ఆహారం శారీరక శ్రమ మానసిక ఆరోగ్యం నిద్ర మెడికల్ చెకప్స్ 2025లో కొత్త ఆరోగ్య సవాళ్లు: మారుతున్న ప్రపంచంతో పాటు ఆరోగ్య సమస్యలు కూడా మారుతూ వస్తున్నాయి. 2025 నుండి రానున్న కాలంలో కొన్ని ముఖ్యమైన సవాళ్లు ఇలా ఉండవచ్చు: ఈ సవాళ్లను ఎదుర్కోవడానికి, ఆరోగ్యం గురించి సరైన రీతిలో అవగాహన కల్పించేందుకు ఈ ప్రపంచ ఆరోగ్య దినోత్సవం ఒక గొప్ప అవకాశం. ఆరోగ్యకరమైన జీవనశైలి.. ఆరోగ్యాన్ని కాపాడుతుంది. సామాజిక బాధ్యత: ఆరోగ్యం వ్యక్తిగతమైనది మాత్రమే కాదు, సామాజికమైనది కూడా అని గుర్తుంచుకోవాలి. ఎందుకంటే మీ ఒక్కరి ఆరోగ్యం మాత్రమే కాపాడుకుంటే సరిపోదు కదా.. ఈ 2025లో మనం ఇలా చేయవచ్చు. 2025 లక్ష్యం: ఈ ప్రపంచ ఆరోగ్య దినోత్సవం సందర్భంగా మనం ఒక లక్ష్యం పెట్టుకొని ముందుకు సాగితే బాగుంటుంది. ఉదాహరణకు.. ఈ చిన్న పనులు మన జీవితంలో, సమాజంలో ఎన్నో మార్పులు తీసుకొస్తాయి. ఆరోగ్యమే జీవితాన్ని పరిపూర్ణం చేస్తుంది.. ఈ ప్రపంచ ఆరోగ్య దినోత్సవాన్ని మరింత మెరుగ్గా జరుపుకోవడానికి కృషి చేద్దాం. ఆరోగ్యం గురించి అవగాహన కల్పించి, చుట్టూ ఉన్నవాళ్లకు స్ఫూర్తిగా నిలుద్దాం! *మీ ఆరోగ్యానికి ఎలాంటి సమస్య ఏర్పడినా.. వెంటనే 9851247365 నెంబర్ కి కాల్ చేయండి. మా మెడ్ యునైటెడ్ వైద్య నిపుణులు మీకు తగిన సూచనలు, సలహాలు అందించగలరు.
వడదెబ్బ, డీహైడ్రేషన్ లక్షణాలు, జాగ్రత్తలు, నివారణ మార్గాలు!
వేసవి కాలం వచ్చిందంటే చాలు.. ఎండల కారణంగా వాతావరణంలో ఉష్ణోగ్రతలు పెరిగిపోయి రోజువారీ జీవితంలో చాలా ఇబ్బందులు ఎదుర్కోవాల్సి వస్తుంది. అధిక ఉష్ణోగ్రతల వల్ల చాలామంది వడదెబ్బ(హీట్ స్ట్రోక్) మరియు డీహైడ్రేషన్ కి గురవుతుంటారు. వీటి ప్రభావానికి ఒక్కోసారి ప్రాణాలు కూడా కోల్పోయే అవకాశం ఉంటుంది. మరి ఎంతటి వేడి వాతావరణంలోనైనా వడదెబ్బ, డీహైడ్రేషన్ లాంటి ఆరోగ్యానికి ముప్పు కలిగించే ప్రభావాల నుండి ఎలా బయటపడాలి? ఎలాంటి జాగ్రత్తలు తీసుకోవాలి? మరి ఒకవేళ వడదెబ్బకు గురైతే చికిత్స మార్గాలు ఏమేం ఉన్నాయి? అనే విషయాలు తెలుసుకుందాం! వడదెబ్బ (Heatstroke) అంటే ఏంటి? వడదెబ్బ అనేది శరీరంలో అధిక వేడిని తట్టుకునే శక్తిని కోల్పోవడం వల్ల కలుగుతుంది. వడదెబ్బకు సాధారణంగా వాతావరణంలో ఏర్పడే తీవ్ర ఉష్ణోగ్రతలు, నీరు సరిగ్గా తీసుకోకపోవడం లేదా శరీరంపై అధికంగా ఒత్తిడి పడిన సందర్భాలు కారణంగా నిలుస్తాయి. వడదెబ్బ లక్షణాలు ఎలా ఉంటాయంటే.. డీహైడ్రేషన్ (Dehydration) డీహైడ్రేషన్.. ఇది శరీరానికి సరైన మోతాదులో నీరు, సాల్ట్ అందించకపోవడం వల్ల కలుగుతుంది. వేసవి కాలంలో ఎక్కువగా చెమట పట్టడం లేదా నీరు సరిగ్గా తాగకపోవడం వల్ల డీహైడ్రేషన్ కు గురయ్యే అవకాశం ఉంటుంది. దీని లక్షణాలు ఎలా ఉంటాయంటే.. నివారణ మార్గాలు: వడదెబ్బ, డీహైడ్రేషన్ ల నుండి మనల్ని మనం కాపాడుకోవడానికి కొన్ని చిన్నపాటి నివారణ మార్గాలు మనకు అందుబాటులో ఉన్నాయి. వడదెబ్బ, డీహైడ్రేషన్ లకు చికిత్స మార్గాలు: వేసవిలో వడదెబ్బ మరియు డీహైడ్రేషన్ నుండి రక్షణ కోసం.. ఎక్కువగా నీరు తాగడం, ఎండలో ఎక్కువగా బయట తిరగకుండా ఉండటం మరియు సరైన మోతాదులో ఆరోగ్యకరమైన ఆహారాన్ని తీసుకుంటే మంచిదని నిపుణులు సూచిస్తున్నారు. *ఒకవేళ మీకు వడదెబ్బ, డీహైడ్రేషన్ కి సంబంధించి ఎలాంటి సందేహాలున్నా, ఎండల కారణంగా ఎలాంటి ఇబ్బందులకు గురైనా వెంటనే 9851247365 నెంబర్ కి కాల్ చేసి మా వైద్య నిపుణుల సలహాలను పొందవచ్చు.
ఆటిజం అంటే ఏమిటి?
ఆటిజం అనేది మెదడు అభివృద్ధిలో వచ్చే తేడాల వల్ల కలిగే స్థితి. ఇది సాధారణంగా బాల్యంలోనే కనిపిస్తుంది. దీనిని మందబుద్ధి అని కూడా పిలుస్తుంటారు. ముఖ్యంగా పిల్లలు పుట్టిన తర్వాత మొదటి మూడేళ్ళలో దీని లక్షణాలు తెలుస్తాయి. ఆటిజం ఉన్నవాళ్ళు.. సామాజిక విషయాలను అర్థం చేసుకోవడంలో, ఇతరులతో మాట్లాడటంలో మరియు వారి ప్రవర్తనలోను కాస్త విభిన్నంగా ఉండవచ్చు. ఈ ఆటిజం అనేది వ్యాధి కాదు, ఒక వ్యక్తిలో కనిపించే వైవిధ్యం మాత్రమే. ఆటిజం ఉన్నవాళ్ళు ప్రపంచాన్ని చూసే విధానంలోనైనా.. జీవితాన్ని ఆస్వాదించడంలో, అనుభూతి చెందడంలోనైనా వైవిధ్యం కనిపిస్తుంది. ఇక ప్రతి ఏడాది ఏప్రిల్ 2వ తేదీన ప్రపంచ వ్యాప్తంగా ‘ఆటిజం ఆవగాహన దినోత్సవం’ని జరుపుతుంటారు. ఆ రోజున ఆటిజంతో బాధపడే వారికి మద్దతు కల్పిస్తూ, సమాజంలో వారికి సరైన గౌరవ మర్యాదలు, ఉపాధి అవకాశాలు అందించాలని, వారి పట్ల బాధ్యతగా మెలగాలని గుర్తు చేస్తూ.. ఆటిజం డే నిర్వహిస్తారు. మరి ఆటిజం అంటే ఏంటి? దాని పూర్తి వివరాలు ఏంటనే వివరాల్లోకి వెళ్దాం.. ఆటిజం లక్షణాలు ఎలా ఉంటాయి? ఆటిజం లక్షణాలు వివిధ రకాలుగా ఉంటాయి. కానీ, మనం సాధారణంగా చూసినట్లయితే.. చూడటం, పలకరించడంలో ఇబ్బంది పడటం కమ్యూనికేషన్ సమస్యలు ప్రవర్తనలో మార్పులు మరియు పరిమిత ఆసక్తులు సెన్సరీ సమస్యలు ఆటిజం రావడానికి గల కారణాలు: ఆటిజం రావడానికి ఖచ్చితమైన కారణాలేవి తెలియలేదు. కానీ.. జన్యుపరంగా మరియు పర్యావరణ పరిస్థితుల ప్రభావం వల్ల కూడా వచ్చే అవకాశం ఉందని పరిశోధనలు చెబుతున్నాయి. ఆటిజం రోగనిర్ధారణ: ఆటిజం అనేది.. సాధారణంగా బాల్యంలోనే (2-3 సంవత్సరాల వయస్సులో) గుర్తించబడుతుంది. వ్యక్తి యొక్క ప్రవర్తన, ఎదుగుదల, మరియు వైద్య పరీక్షల ద్వారా రోగ నిర్ధారణ చేస్తారు. *బాల్యంలోనే ఆటిజం యొక్క లక్షణాలను గమనించి, రోగ నిర్ధారణ చేసుకోవడం చాలా ముఖ్యం. ఎందుకంటే ఆ వయసులో వారికి తగిన సహాయం అందిస్తే పిల్లల యొక్క జీవన నాణ్యత మెరుగవుతుంది. ఆటిజం చికిత్స మరియు నివారణ మార్గాలు: ఆటిజం అనేది.. సాధారణంగా నయం చేయబడే వ్యాధి కాదు. కానీ సరైన సమయంలో చికిత్స మరియు తగిన సహకారం అందిస్తే ఆ లక్షణాలను నివారించవచ్చు. ఆటిజం నివారణకు సంబంధించి కొన్ని చికిత్స పద్ధతులు: సమాజంలో ఆటిజంపై అవగాహన: ఆటిజం ఉన్న వ్యక్తులు తరచూ సామాజికంగా ఇబ్బందులు ఎదుర్కొంటారు. అలాంటి వారిని అర్థం చేసుకోవడం, గౌరవించడం మన బాధ్యత. విద్యా సంస్థలు, ఉద్యోగ సంస్థలు వారికి సరైన అవకాశాలు కల్పించాలి. ఎప్పటికప్పుడు ఆటిజం గురించి అవగాహన కల్పించడం ద్వారా సమాజంలో సానుకూల మార్పులు మనం చూడవచ్చని నిపుణులు చెబుతున్నారు. భారతదేశంలో ఆటిజం యొక్క పరిస్థితి ఎలా ఉంది? ఆటిజం అనేది ఒక వైవిధ్యత. రోజువారీ జీవితంలో ఎన్నో సవాళ్లను తెచ్చినప్పటికీ, ఆటిజం ఉన్న వ్యక్తులు కూడా అద్భుతమైన నైపుణ్యాలు, ఆసక్తులతో ఎన్నో సాధించగలుగుతారు. ఆటిజం ఉన్నవారికి సరైన సహాయం, ప్రేమ ఆప్యాయతలు, సమాన గౌరవం లభిస్తే వారు కూడా సంతోషకరమైన జీవనాన్ని సాగించగలరు. నేటి నుండే ఆటిజం గురించి అవగాహన కల్పిద్దాం! మెరుగైన సమాజ అభివృద్ధిలో భాగమవుదాం! *మీ జీవితంలో ఎలాంటి ఆరోగ్య సమస్యలు కలిగినా వెంటనే 9851247365 నెంబర్ కి కాల్ చేసి మా మెడ్ యునైటెడ్ వైద్య నిపుణులను సంప్రదించవచ్చు.
వేసవిలో ఉద్యోగాలకు వెళ్తున్నారా..? మీ ఆరోగ్యాన్ని ఇలా కాపాడుకోండి!
వేసవి కాలం అంటేనే ఎండలు, ఉక్కపోత, డీహైడ్రేషన్ లాంటి సవాళ్లు ఎదురవుతుంటాయి. ముఖ్యంగా ఉద్యోగాల కోసం బయటకు వెళ్లేవారికి ఈ ఎండల కాలంలో కొంచం కష్టంగా ఉంటుంది. ఆఫీసులకు వెళ్లడం, రోడ్లపై ప్రయాణించడం లేదా ఫీల్డ్ వర్క్ లాంటివి వేడి వాతావరణంలో చేయడం ఎంతో అసౌకర్యాన్ని కలిగిస్తాయి. అయితే, కొన్ని సాధారణ జాగ్రత్తలు పాటిస్తే ఆరోగ్యానికి హాని లేకుండా సౌకర్యవంతంగా ఉండవచ్చు. మరి ఈ మండు వేసవిలో ఉద్యోగాలకు వెళ్లేవారు తీసుకోవాల్సిన జాగ్రత్తలు ఏంటో ఇప్పుడు చూద్దాం! డీహైడ్రేషన్ కు గురికాకుండా ఉండటం వేసవిలో చెమట ఎక్కువగా పడుతుంది. దీని వల్ల డీహైడ్రేషన్ కు గురయ్యే ప్రమాదం ఉంటుంది. అందుకే ఈ వేసవిలో డీహైడ్రేషన్ కి గురవ్వకుండా ఉండాలంటే.. సౌకర్యవంతమైన దుస్తులు ధరించడం వేసవిలో వేడిని తట్టుకొని, మనకు సౌకర్యవంతంగా అనిపించే దుస్తులు ధరించడం చాలా ముఖ్యం. అతినీలలోహిత కిరణాల (UV rays) నుండి రక్షణ వేసవి కాలంలో అతినీలలోహిత కిరణాలు (UV rays) చర్మము మరియు కళ్లపై ఎక్కువ ప్రభావం చూపిస్తాయి. వాటి నుండి రక్షణ పొందాలంటే.. ఆహారంలో తీసుకోవాల్సిన జాగ్రత్తలు వేసవిలో మనం తీసుకునే ఆహారం కూడా ఆరోగ్యాన్ని ప్రభావితం చేస్తుంది. ఈ మండుటెండల్లో ఆహారం అధికంగా తీసుకోకుండా ఎక్కువగా పండ్లు, తేలికైన ఆహారం తీసుకుంటే మంచిది. ప్రయాణంలో జాగ్రత్తలు ఉద్యోగం కోసం బయటకు వెళ్లేటప్పుడు ప్రయాణం కూడా సవాలుగా మారవచ్చు. ఆరోగ్య సమస్యలను గుర్తించడం వేసవిలో ఉద్యోగాలకు వెళ్లేవారికి ప్రయాణంలో వడదెబ్బ(హీట్ స్ట్రోక్), హీట్ ఎగ్జాస్ట్ సమస్యలు రావచ్చు. వాటి లక్షణాలు కనిపిస్తే వెంటనే జాగ్రత్త తీసుకోవాలి.. వేసవి కాలంలో ఉద్యోగాలకు వెళ్లడం తప్పనిసరి అయినట్లయితే.. పైన చర్చించుకున్న జాగ్రత్తలు పాటిస్తే మీ ఆరోగ్యానికి రక్షణ కల్పించుకున్నవారు అవుతారు. అలాగే ఎల్లప్పుడూ ఉత్సాహంగా ఉంటూ.. శరీరాన్ని హైడ్రేట్ గా ఉంచుకోవడం, తేలికైన దుస్తులు ధరించడం, సూర్య కిరణాల నుండి రక్షణ కల్పించుకొని, తేలికైన ఆహారం అలవాటు చేసుకుంటే.. మండుటెండల్లో కూడా మీ రోజువారీ జీవితం సులభంగా సాగుతుంది. ఈ వేసవి ఎండల నుండి ఆరోగ్యాన్ని కాపాడుకోండి.. ఆనందంగా ఉండండి! *మీకు ఎప్పుడు ఏ ఆరోగ్య సమస్య ఏర్పడినా.. 9851247365 నెంబర్ కి కాల్ చేసి మా మెడ్ యునైటెడ్ వైద్య నిపుణులను సంప్రదించండి..
ఉగాది షడ్రుచులు ఆరోగ్యానికి ఎలా మేలు చేస్తాయి?
తెలుగు సంస్కృతిలో ఉగాది పండుగ అంటే ఎంతో ప్రత్యేకం. దానికి పూర్వకాలం నుండే ఎంతో ప్రత్యేకత, ప్రాముఖ్యత ఉన్నాయి. ఉగాది అనేది.. సరికొత్త తెలుగు సంవత్సరాదికి ఆరంభం మాత్రమే కాదు, మానవ జీవన విధానంలో సమతుల్యత(బ్యాలెన్సింగ్)ని గుర్తుచేసే ఒక ప్రత్యేకమైన రోజు. ఉగాది పండుగ అనగానే.. ముందుగా అందరికి ఉగాది పచ్చడి గుర్తుకు వస్తుంది. ఆరు రకాల రుచుల కలయికతో(షడ్రుచులు) జీవితంలోని వివిధ కోణాలను, అనుభవాలను సూచిస్తుంది ఉగాది పచ్చడి. అయితే.. షడ్రుచులతో చేసిన ఉగాది పచ్చడి కమ్మని రుచిని ఇవ్వడమే కాదు, ఆరోగ్యానికి ఎంతో మేలు చేస్తుందని మీకు తెలుసా? మరి ఉగాది పచ్చడి మన ఆరోగ్యానికి ఏ విధంగా మేలు చేస్తుంది? దాని ఆరోగ్య ప్రయోజనాలు ఏమిటో ఇప్పుడు చూద్దాం! ఉగాది పచ్చడిలో షడ్రుచులు ఏవి? ఉగాది పచ్చడిని – వేపపువ్వు (చేదు), బెల్లం (తీపి), చింతపండు (పులుపు), ఉప్పు (ఉప్పు), మిరప (కారం), మామిడి కాయ (వగరు) అని ఈ ఆరు రుచులతో తయారు చేస్తారు. మరి ఈ షడ్రుచులు ఆరోగ్యానికి ఎలా మేలు చేస్తాయి? తీపి (బెల్లం): తీపి అనేది శరీరానికి శక్తిని అందించి, జీర్ణక్రియను మెరుగుపరుస్తుంది. బెల్లంలో ఉండే ఇనుము, కాల్షియం రక్తహీనతను నివారిస్తాయి. అలాగే శరీరంలో వేడిని తగ్గించి, కఫ దోషాన్ని బ్యాలన్స్ చేస్తుంది. తీపిని మితంగా తీసుకుంటే మేలు చేస్తుంది.. అధికంగా తీసుకుంటే మధుమేహం ప్రమాదం పెరగవచ్చు. పులుపు (చింతపండు): ఆకలిని పెంచడమే కాకుండా శరీరంలో జీర్ణ రసాలను ఉత్తేజపరుస్తుంది. చింతపండులో విటమిన్ C, యాంటీ ఆక్సిడెంట్లు ఉంటాయి, ఇవి రోగనిరోధక శక్తిని పెంచుతాయి. ఇది వాత దోషాన్ని తగ్గిస్తుంది. కానీ, ఎక్కువ పులుపు తీసుకుంటే గుండెల్లో మంటను కలిగించవచ్చు. ఉప్పు (ఉప్పు): ఉప్పు శరీరంలో ఎలక్ట్రోలైట్ సమతుల్యతను కాపాడుతుంది. ఇది శరీరంలో సోడియం స్థాయిలను నియంత్రించడమే గాక, నీటి శాతాన్ని బ్యాలన్స్ చేస్తుంది. ఇది పిత్త దోషాన్ని నివారిస్తుంది. కానీ, అధిక ఉప్పు రక్తపోటును పెంచుతుంది కాబట్టి తక్కువగా మితంగా తీసుకుంటే మంచిది. కారం (మిరప): కారం అనేది జీవక్రియను (మెటబాలిజం) వేగవంతం చేయడమే గాక చెమట ద్వారా వేడిని తగ్గిస్తుంది. మిరప కాయల్లోని క్యాప్సైసిన్ రక్త ప్రసరణను మెరుగుపరిచి కఫ దోషాన్ని తగ్గిస్తుంది. కానీ, తీసుకునే ఆహారంలో ఎక్కువ కారం అల్సర్ లేదా గ్యాస్ట్రిక్ సమస్యలను తెస్తుందని గుర్తుంచుకోవాలి. చేదు (వేపపువ్వు): వేప చేదు శరీరాన్ని శుద్ధి చేస్తుంది. అలాగే రోగనిరోధక శక్తిని పెంచుతుంది. అది ఎలాగంటే.. వేపలో యాంటీబ్యాక్టీరియల్, యాంటీవైరల్ గుణాలు ఉంటాయి. ఇది పిత్త దోషాన్ని నివారించడమే గాక, రక్తంలో చక్కెర స్థాయిలను నియంత్రిస్తుంది. ఈ చేదుని పిల్లలకు దూరంగా ఉంచాలి. వగరు (మామిడి): మామిడి వగరు జీర్ణక్రియను సులభతరం చేయడమే గాక శరీరానికి చల్లదనాన్ని ఇస్తుంది. మామిడికాయలో విటమిన్ A, C ఉంటాయి. ఇవి చర్మ ఆరోగ్యాన్ని, కంటి చూపును మెరుగుపరుస్తాయి. ఇది వాత దోషాన్ని తగ్గిస్తుంది. అయితే.. ఎక్కువ వగరు తింటే గొంతు సమస్యలు ఏర్పడే అవకాశం ఉంది. సాధారణంగా ఈ ఆరు రుచులు శరీరంలోని త్రిదోషాలను (వాత, పిత్త, కఫ) నియంత్రిస్తాయి. అయితే.. ఈ 6 రుచులలోని ఒక్కో రుచి శరీరంలో ఏయే అవయవాలను ఉత్తేజపరుస్తాయో ఇప్పుడు చూద్దాం! తీపి – కడుపు, ప్లీహము పులుపు – గుండె, ఊపిరితిత్తులు ఉప్పు – కిడ్నీలు కారం – పెద్దప్రేగు చేదు – కాలేయం వగరు – చిన్నప్రేగు ఈ రుచులను తగిన మోతాదులో తీసుకోవడం శరీర ఆరోగ్యాన్ని చక్కగా కాపాడుకోవచ్చు అని నిపుణులు సూచిస్తున్నారు. ఇక ఈ ఉగాది షడ్రుచులు కేవలం రుచి కోసం మాత్రమే కాకుండా, ఆరోగ్యానికి ఒక సంపూర్ణ ఔషధంగా పనిచేస్తాయి. ఈ విశ్వావసు నామ ఉగాది పండుగ సందర్భంగా షడ్రుచులను ఆస్వాదిస్తూ, వాటి ఆరోగ్య ప్రయోజనాలను కూడా పొందవచ్చు. కొత్త సంవత్సరాన్ని ఆరోగ్యంగా, సంతోషంగా ప్రారంభించడానికి ఉగాది పచ్చడి ఒక అద్భుతమైన మార్గం. ఈ ఉగాది మీకు చక్కని ఆరోగ్యాన్ని అందించాలని కోరుతూ.. మరోసారి మెడ్ యునైటెడ్ వారి తరపున శుభాకాంక్షలు!
అంబాజీపేట మెడ్ యునైటెడ్ ఉచిత మెగా మెడికల్ క్యాంపు
సినీ తారలకు అభిమానులు ఉండటం అనేది సాధారణ విషయమే. కొంతమంది వాళ్ళను సినిమాల వరకు అభిమానిస్తారు. మరికొందరు సినిమాలతో పాటు వారి సామాజిక జీవితంలో కూడా అభిమానం చాటుతూ ఉంటారు. అందుకే అభిమాన నటులకు సంబంధించి స్పెషల్ డేస్ ఏం ఉన్నా.. వాటిని ఎవరి ఏరియాలో వారు ఘనంగా సెలెబ్రేట్ చేసుకుంటారు. తాజాగా మెగా పవర్ స్టార్ రామ్ చరణ్ పుట్టినరోజు సందర్భంగా మార్చి 27న, అంబాజీపేటలోని కేవీ పాలెం జిల్లా పరిషత్ ఉన్నత పాఠశాల ఎదురుగా ఉన్న కమిటి హాల్ నందు మెగా అభిమానులు ఉచిత మెగా మెడికల్ క్యాంపు నిర్వహించారు. ఈ క్యాంపులో పాల్గొన్న మెడ్ యునైటెడ్ వైద్యులుడా. అశోక్ కుమార్ (జనరల్ మెడిసిన్)డా. రాఘవ (పీడియాట్రిక్)డా. మల్లిక (దంత వైద్యులు)డా. సందీప్ (ఆర్థోపెడిక్)డా. తేజస్విని, డా. భవిత రాణి (కంటి వైద్యులు)డా. వరప్రసాద్ (డ్యూటీ డాక్టర్) ఈ వైద్యుల బృందం కలిసి మెగా మెడికల్ క్యాంపులో పాల్గొన్న 172 మందికి జనరల్ చెకప్ లతో పాటు తగిన వైద్య సహాయం అందించి, ఉచితంగా మందులు పంపిణి చేయడం జరిగింది. ఈ క్యాంపుకు స్థానిక ప్రజలు భారీ ఎత్తున పాల్గొన్నందున మెడ్ యునైటెడ్ వైద్య బృందంతో పాటు మెగా అభిమానులు సైతం హర్షం వ్యక్తం చేశారు. ఇకపై ఇలాంటి మెడికల్ క్యాంపులకు మెగా అభిమానులు మున్ముందు సహకరిస్తారని తెలిపారు.
గులియన్ బారే సిండ్రోమ్: లక్షణాలు, రకాలు మరియు నివారణ పద్ధతులు!
గులియన్ బారే సిండ్రోమ్(GBS):- ఈ మధ్యకాలంలో ఎక్కువగా వినిపిస్తున్న వ్యాధులలో గులియన్ బారే సిండ్రోమ్(GBS) ఒకటి. ఇదొక అరుదైన ఆటో ఇమ్యూన్ న్యూరోలాజికల్ డిజార్డర్. మన శరీరంలోని నాడీ వ్యవస్థ(PNS)పై ప్రభావం చూపే ఈ వ్యాధి.. నరాల చుట్టూ ఉండే పొర దెబ్బతినడం వల్ల వ్యాప్తిచెందుతుంది. దీని కారణంగా నరాలు దెబ్బతిని, కండరాలు బలహీనపడటమే గాక ఒక్కోసారి పక్షవాతం వచ్చే అవకాశాలు ఉన్నాయి. అయితే.. ఈ వ్యాధికి వయోపరిమితి ఏమి లేదు, కానీ ఎక్కువగా 50 ఏళ్ళు దాటిన వారికి వచ్చే అవకాశం ఉంది. ఇక వైరల్ ఇన్ఫెక్షన్స్ లేదా బాక్టీరియల్ ఇన్ఫెక్షన్స్ తో బాధపడుతున్న వారిలో ఈ వ్యాధి వేగంగా వ్యాప్తిచెందే అవకాశాలు ఉన్నాయని నిపుణులు చెబుతున్నారు. ముఖ్యంగా జలుబు, దగ్గు, అతిసారం లేదా ఏవైనా టీకాలు, సర్జరీల వల్ల ఈ వ్యాధి సోకవచ్చు. ఇది ప్రాణాంతకమైంది కాకపోయినా, కోలుకోవడానికి కొన్ని నెలలు పట్టవచ్చు. ఇమ్యూనిటీ తక్కువ ఉన్నవారిపై ఈ వ్యాధి ప్రభావం అధికంగా ఉంటుంది. ఈ వ్యాధి బారినపడి 3-5% మంది వృద్ధాప్యంలో ప్రాణాలు కోల్పోతున్నారని నివేదికలు చెప్తున్నాయి. గులియన్ బారే సిండ్రోమ్ కి గల కారణాలు: ఈ వ్యాధి సోకడానికి సరైన కారణాలు లేవు. కానీ, బ్యాక్టీరియల్ లేదా వైరల్ ఇన్ఫెక్షన్స్ సోకిన తర్వాత ఈ గులియన్ బారే సిండ్రోమ్(GBS) సోకే అవకాశం ఉందని నిపుణులు చెబుతున్నారు. అయితే, ఈ వ్యాధి ప్రభావాన్ని కోవిడ్, ఇన్ఫ్లుయెంజా మరియు డెంగ్యూ లాంటి వైరస్ లు పెంచుతాయి. ముఖ్యంగా కలుషిత ఆహారం, నీటి ద్వారా వేగంగా వ్యాపించే ఈ వ్యాధికి.. కాంపిలోబాక్టర్ జెజుని (కాంపిలోబాక్టర్ జెజున్) బాక్టీరియాని ప్రధాన కారణంగా చెప్తున్నారు. గులియన్ బారే సిండ్రోమ్ రకాలు: ఈ గులియన్ బారే సిండ్రోమ్ (GBS)లో చాలా రకాలు ఉన్నప్పటికీ, వాటిలో ప్రధానంగా చెప్పుకునేవి కొన్ని ఉన్నాయి. అక్యూట్ ఇన్ఫ్లమేటరీ డీమిలినేటింగ్ పాలీరాడిక్యులో న్యూరోపతి (AIDP): ఇది సాధారణంగా కనిపించే రకం. నరాల మైలిన్ కోశంపై దాడి చేయడం వల్ల.. అవయవాలతో పాటు ఇంద్రియ వ్యవస్థ బలహీనపడిపోతాయి. ఇది ఎక్కువగా యూరప్, ఉత్తర అమెరికా ప్రాంతాలలో కనిపిస్తుంది. అక్యూట్ మోటార్-సెన్సరీ యాక్సోనల్ న్యూరోపతి (AMSAN): ఇది గులియన్-బారే సిండ్రోమ్(GBS) లో తీవ్రమైన రకం. బలహీనత, టెండన్ రియాక్షన్స్ కోల్పోవడం, ఇంద్రియాల పనితీరుపై పడిన ప్రభావం దీని లక్షణాలు. మిల్లర్ ఫిషర్ సిండ్రోమ్ (MFS): మిల్లర్ ఫిషర్ సిండ్రోమ్ అనేది అరుదైన రకం. ఇది రోగనిరోధక వ్యవస్థ యొక్క నరాలపై దాడి చేస్తుంది. మొదట కళ్ళ చుట్టూ నల్లని మచ్చలు(చారలు)గా తయారై ‘ఫెషియల్ పెరాలసిస్’కి దారితీస్తుంది. ఇది ఆసియాలో ఎక్కువగా కనిపిస్తుంది. అక్యూట్ మోటార్ యాక్సోనల్ న్యూరోపతి (AMAN): ఇది తీవ్రమైన పక్షవాతం వచ్చి, కంటిచూపు మందగించినప్పుడు తెలుస్తుంది. ఎక్కువగా ఈ రకం మెక్సికో, చైనా, జపాన్ దేశాలలో కనిపిస్తుంది. గులియన్-బారే సిండ్రోమ్(GBS) నిర్ధారణ పరీక్షలు: ఎప్పుడైతే నరాల సమస్యలతో వైద్యులను సంప్రదిస్తారో.. అప్పుడు మీ హెల్త్ డేటా అంతా చూసి, కావాల్సిన టెస్టులను తెలియజేస్తారు. వాటిలో ముఖ్యంగా.. నరాల ప్రసరణ అధ్యయన (NCS) & ఎలక్ట్రోమియోగ్రఫీ: శరీరంలో దెబ్బతిన్న నరాల ఉనికి, తీవ్రతలను గుర్తించి.. కండరాల మధ్య విద్యుత్ చర్యలను అంచనా వేసి బలహీనత లేదా పక్షవాతం ఎలా, ఎందుకు? వచ్చిందని ఈ టెస్ట్ ద్వారా తెలియజేస్తారు. లంబార్ పంక్చర్ (స్పైనల్ ట్యాప్): ఇది సెరెబ్రోస్పానియల్ ఫ్లూయిడ్(CSF) సేకరణ కోసం వీపు దిగువ భాగంలో సూదిని చొప్పించే ప్రక్రియ. ఇన్ఫెక్షన్ లేదా వ్యాధి సంకేతాల కోసం ఈ టెస్ట్ నిర్వహిస్తారు. రక్త పరీక్షలు: ఇమ్యూన్ డిజార్డర్స్ మరియు నరాల బలహీనత లేదా పక్షవాతం వల్ల ఎదురయ్యే సమస్యలను రక్త పరీక్షల ద్వారా తెలుసుకుంటారు. ఇమేజింగ్ పరీక్షలు: నరాల బలహీనత లేదా పక్షవాతం వలన ఏర్పడే ట్యూమర్, హెర్నియేటెడ్ స్పైన్ గాయాలను గుర్తించడంలో ఎక్స్-రే, ఎంఆర్ఐ మరియు సిటి స్కాన్ లాంటి ఇమేజింగ్ టెస్టులు నిర్వహిస్తారు. నరాలు మరియు కండరాల బయాప్సీ: గులియన్ బారే సిండ్రోమ్ చికిత్స మార్గాలు: గులియన్ బారే సిండ్రోమ్ నివారణ పద్ధతులు: ఇక్కడ మనం గమనించవల్సింది ఏంటంటే.. ఈ గులియన్ బారే సిండ్రోమ్ (GBS) అనేది అంటువ్యాధి మాత్రం కాదు. సమయానికి అవసరమైన చికిత్స తీసుకుంటే దాని ప్రభావం నుండి బయట పడవచ్చు. ఎవరిలోనైనా ఈ వ్యాధి లక్షణాలు కనిపిస్తే వెంటనే వైద్యుడిని సంప్రదించాలని సూచిస్తే మనం కూడా సురక్షితంగా ఉండవచ్చు. కానీ, తెలిసి కూడా ఈ వ్యాధి లక్షణాలను పట్టించుకోకపోతే ప్రాణాపాయ పరిస్థితులు ఏర్పడే అవకాశం ఉంటుంది. ఈ వ్యాధి నుండి బయట పడేందుకు పునరావాసం ముఖ్యమైంది. మీ హెల్త్ గురించి ఏవైనా సందేహాలు ఉంటే.. సహాయం అందించడానికి సిద్ధంగా ఉన్నాం! తక్షణమే మా నిపుణుల సలహా కొరకు 9851 247 365 కి కాల్ చేయండి.
పని చేయకపోయినా.. శరీరం అలసిపోయినట్లు, రోజంతా నీరసంగా అనిపిస్తుందా?
ఈ రోజుల్లో ఆరోగ్యాన్ని కాపాడుకోవడం అనేది ఒక సవాలుగా మారింది. ఆధునిక జీవనశైలికి తోడు ఆహారపు అలవాట్లు ఇలా ఎన్నో అంశాలు మన ఆరోగ్యంపై ప్రభావం చూపిస్తుంటాయి. ముఖ్యంగా ఆహారంలో విటమిన్లు కూడా తగిన మోతాదులో తీసుకోవాల్సి ఉంటుంది. ఒకవేళ విటమిన్ల లోపం ఏర్పడితే మాత్రం ఖచ్చితంగా ఆరోగ్యంపై ప్రభావం కనిపిస్తుంది. ఎందుకంటే.. మన ఆరోగ్యం విషయంలో విటమిన్లు చాలా కీలక పాత్ర పోషిస్తాయి. అసలు విటమిన్ల లోపం ఏర్పడితే ఆరోగ్యంపై ఎలాంటి ప్రభావం పడుతుంది? ఏర్పడే ఆరోగ్య సమస్యలు ఏంటి? అనేవి ఇప్పుడు చూద్దాం! మన శరీరంలో విటమిన్లు లోపించాయని గుర్తించడం ఎలా? మన శరీరానికి విటమిన్ బి12 అనేది ఎంతో ముఖ్యమైనది. ఇది అన్ని అవయవాల పనితీరును ప్రభావితం చేస్తుంది.సాధారణంగా శరీరంలో విటమిన్ b12 లోపిస్తే.. రోజంతా అలసటగా అనిపిస్తుంది. ఎలాంటి పనులు చేయకపోయినా త్వరగా అలసిపోయిన ఫీలింగ్ వస్తుంది. అదీగాక రోజంతా నీరసంగాను ఉందంటే.. అది తప్పకుండా విటమిన్ బి12 లోపించిన ప్రభావమే అని నిపుణులు సూచిస్తున్నారు. విటమిన్స్ లోపం అనేది మానసిక స్థితిపై కూడా ప్రభావం చూపిస్తుంది. దీనికి తోడు జ్ఞాపకశక్తి మెల్లగా తగ్గిపోవడం జరుగుతుంది. ముఖ్యంగా రాత్రుళ్ళు అలసిపోయిన ఫీలింగ్, ఎక్కువగా చెమటలు పట్టడం కూడా విటమిన్ b12 లోపించిన లక్షణాలలో ఒకటని అంటున్నారు. అంతేగాక విటమిన్స్ ప్రభావం కండరాలపై కూడా ఉంటుంది. విటమిన్స్ లోపిస్తే గనుక కండరాల పనితీరును బలహీన పరుస్తాయి. అలాంటి లక్షణాలు కనిపిస్తే వెంటనే వైద్యులను సంప్రదించడం ఉత్తమం. శరీరంలో విటమిన్ బి12 అనేది సహజంగా ఉత్పత్తి కాలేదు. అందువల్ల మనం తీసుకునే ఆహారం ద్వారా మాత్రమే శరీరానికి విటమిన్ బి12 అందుతుంది. విటమిన్స్ అనేవి ఎక్కువగా పాల ఉత్పత్తులు, మాంసం, గుడ్ల నుండి లభిస్తాయి. ఒకవేళ శాకాహారులు అయితే విటమిన్ బి12 ని సప్లిమెంట్లు ద్వారా లేదా పోషకాహారాల ద్వారా తీసుకోవాల్సి ఉంటుంది. మరో విషయం ఏంటంటే.. విటమిన్ బి12 అనేది కాలేయంలో నిల్వ ఉంటుందట. ఒకవేళ కాలేయంలో నిల్వ తగ్గినా.. విటమిన్స్ లోపం ఏర్పడుతుందని నిపుణులు సలహా ఇస్తున్నారు.